Buenas noches

Tru det eller ei, men eg har faktisk vore flink og baka litt fornuftig, og ikkje berre søte kaloribomber i helga! Så no er frysaren fylt til randa med bakverk, herleg!! Igår baka eg focaccia og rundstykker, og idag har eg, i godt samarbeid med min kjære, laga empanadas på vår måte. Eit argentinsk bakverk , viss ikkje eg tek heilt feil? Eg har i alle fall, for ein gongs skuld, tenkt å dele oppskrifta med dokke.

Deig:
1 kg. kveitemjøl
200 g. smelta margarin
1 barneskei bakepulver
Ein "dæsj" salt (brukte litt over ei teskjei idag)
3-4 dl. vatn

Bland saman til ei smidig deig, og lat den kvile i ca. 30 min. Den tida kan du jo bruke til å lage fyllet!

Fyll:
600 g. kjøtdeig
1 kg. løk
50 g rosiner
Oregano
Litt vatn

Dette er den oppskrifta eg har, men eg har bytta heilt ut fyllet. Foretrekk salt, framfor søtt. Det fine er at du kan bruke fantasien og ha i det du likar best! Vi brukte idag kjøttdeig, mais, champignong, gulrot, løk, svart oliven, paprika og tacokrydder. Vel, for å vere ærlig, så var det ikkje eg som laga fyllet, så det kan godt hende han fann meir i kjøleskapet, som han heiv i.

Start med å kjevle ut deiga, og legg ein tallerken over og skjer rundt. Du kan sjølvsagt lage dei firkanta eller andre fasongar om du vil det også.

Legg på ei par spiseskeier med fyll på eine halvdelen (eg er veldig glad i ost, så eg har eit par skiver kvitost under). Pensl så kantane med piska egg, slik at delane festar seg, når du skal brette dei.



Brett den så på midten, slik ein gjer når ein steikar omelett. Trykk kantane med ein gaffel, slik dei sitt godt saman. Pensl med egg, og skjer eit par hol på toppen. Det gjer eg for å sleppe ut dampen som blir inni under steiking. Første gong eg laga empanadas, gjorde eg ikkje det, og da rann det unødvendig mykje væske ut av den når eg skulle nyte den.

Dette kan gjerast ein dag i forvegen, dersom du ikkje har tida den dagen det skal serverast. Berre sett dei i kjøleskapet, tildekt med plast.



Så er det berre å fylle opp steikebrettet, sette dei i midt i ovnen på 225°C i 15 min. til dei blir gylne.



Vi et dei med ein frisk salat og rømme. Nyt!

Naughty cake!

Idag vart Andreas ("nevøen" min) 14 år, og han måtte sjølvsagt få ei kake! Eg har lenge hatt lyst å prøve meg på ei puppekake, og no fekk eg endeleg sjansen. Med løyve frå mora til jubilanten, gjekk eg igong med å lage ei lettare tildekt puppekake. Han er jo tross alt fortsatt under den seksuelle lavalder;)

Society

Elskar denne songen. Skrive av Jerry Hannan, og framført av Eddie Vedder og Hannan.

Endeleg ei BLÅ kake!

Vel, så vart det ikkje laga 17. mai kake i år med meg. Hadde arbeidshelg, og ting gjekk i eitt heile veka, så fekk rett og slett ikkje tid.

Idag har eg laga ei dåpskake til ein liten godklump som heiter Birk. Det er sonen til ein kollega av meg. Inni det lyseblå mmf-trekket finn ein sukkerbrød, skogsbær, vaniljekrem og vanilla icing (ein type smørkrem).


Bamsen har eg modellert av fondant, må sei eg vart skikkeleg fornøgd med den!

Er det rart eg blir feit?

kDet har blitt en del kaker i det siste..


Min kjære Geir Ove hadde bursdag:)



Fekk et oppdrag om å lage ei konfirmasjonskake med sukkerbrød i, så då måtte eg lage ei prøvekake. Hadde besøk av ei venninne då eg laga den, så ho fekk vere med å lære å lage mmf.



Sjokolademoussekake til konfirmasjon. Browniesbotn, melkesjokolademousse og kvit sjokolademousse.



Rosene på moussekaka.



Tiarakake til konfirmant. Vart ganske fornøgd med utsjånaden på denne.



Nok ei tiarakake til konfirmantar. Ikkje heilt fornøgd med denne, men håper dei som skulle ha den vart det.



Skal bli leeenge til eg lagar ei heilt rosa kake no! Neste helg er det 17.mai alt, så då blir det nok ei kake i raudt, kvitt og blått:)

Deeeilig svett

(Biletet er lånt ifrå Rokken sine heimesider.)

Torsdag var eg og to gode venninner på konsert med BigBang på Rokken i Volda. Såg bandet i sommar, så eg visste at det kom til å bli bra. OG det vart det! Fantastisk konsert! Nydeleg spelt av gruppa, og det vart mange ekstranummer. Eg sto heilt framme rett framom sjølvaste Øystein Greni, likar å tru at eg hadde beste plassen av alle som var der. Teknisk sett stod det ein kar framføre meg, men det vart etterkvart så intimt at eg så og sei låg over han. Eg vart heilt gjennomsvett, og det var deilig! Til vanleg er eg ikkje så begeistra for å vere bort i andre sine svette ryggar, men dette blir fort gløymt, når eg er på konsert. Eg elskar det. Sjølv om eg er edru, så får eg ein slags rus av det!

Rart og tenke på at eg for nokre år sidan, syntes at "Girl In Oslo" var ein irriterande song. Det er ikkje yndlingssongen min no heller, men det er herved offisielt at eg har blitt BigBangfrelst!




Det som ikkje var like kjekt var å stå opp kl. 06.30 dagen etterpå...

Sommarfuglar

Hadde fri idag, så da bestemte eg meg for å invitere min kjære bror & co til kake!













Tok en Espelid og "juksa litt", Toro langpanne sjokoladekake med piska Piano sjokoladekrem og bringebær i, pynta med marsipan og trekt med heimelaga MMF.


Ellers så er eg lite flink å oppdatere her, så dette får heller bli ein rein kakeblogg, med eventuelle andre impulsar som måtte falle meg inn! Men no er det natt, klokka er snart halv 12, og eg skal opp før kl. 6...Lovar ikkje godt! :/